काठमाडौं । मंगलबार नेपाली बजारमा सुनको भाउ तोलामा २३ सय रुपैयाँ बढेको छ ।
नेपाल सुनचाँदी व्यवसायी महासंघले यस दिनका लागि प्रतितोला २ लाख ३५ हजार ४ सय रुपैयाँ भाउ तोकेको छ । यो भाउ हालसम्मकै उच्च हो । अघिल्लो दिन २ लाख ३३ हजार १ सय रुपैयाँ थियो । दिनदिनै सुनको भाउ बढ्दै जाँदा नयाँ रेकर्ड बनिरहेको छ ।
चाँदी अघिल्लो दिनकै भाउमा कारोबार भएको छ । प्रतितोला २ हजार ९६० रुपैयाँमा चाँदीको कारोबार भइरहेको महासंघले जनाएको छ । चाँदीको यो भाउ पनि हालसम्मकै उच्च हो ।
