काठमाडौं । नेपाली बजारमा बुधबार सुनचाँदीको भाउ घटेको छ। नेपाल सुनचाँदी व्यवसायी महासंघका अनुसार छापावाल सुनको भाउ प्रतितोला १ हजार २ सय रुपैयाँले घटेर ३ लाख ६ हजार ७ सय रुपैयाँ कायम भएको छ।
मंगलबार छापावाल सुन प्रतितोला ३ लाख ७ हजार ९ सय रुपैयाँमा कारोबार भएको थियो। बुधबार मूल्य घटेसँगै सुनको भाउ ३ लाख ६ हजार ७ सय रुपैयाँमा झरेको महासंघले जनाएको छ।
त्यसैगरी, चाँदीको भाउमा पनि गिरावट आएको छ। मंगलबार प्रतितोला ४ हजार ७ सय ८० रुपैयाँ रहेको चाँदीको भाउ बुधबार ३५ रुपैयाँले घटेर ४ हजार ७ सय ४५ रुपैयाँ कायम भएको छ।
