काठमाडौं । बिहीबार सुन तोलामा १ हजार रुपैयाँ बढेको छ । नेपाल सुनचाँदी व्यवसायी महासंघले बिहीबार छापावाला सुनको भाउ प्रतितोला ८९ हजार ६ सय रुपैयाँ र तेजाबी सुनको भाउ प्रतितोला ८९ हजार १ सय ६५ रुपैयाँ तोकेको छ ।
करिब साढे २ महीनापछि महासंघले आइतबारदेखि दैनिक नयाँ मूल्य सार्वजानिक गर्न थालेकोमा सो पश्चात लगातार तेस्रो दिन पनि सुनको भाउ बढेको हो । आइतबार १० हजार चार सय रुपैयाँ बढाएर नयाँ मूल्य तोकेको थियो भने त्यसपश्चात सोमबार एक सय रुपैयाँ, मंगलबार दुइ सय र बुधबार नौ सय रुपैयाँले बढेको थियो ।
बुधबार छापावाला सुनको भाउ प्रतितोला ८८ हजार ६ सय रुपैयाँ र तेजाबी सुनको भाउ प्रतितोला ८८ हजार तीन सय रुपैयाँमा कारोबार भएको थियो ।
यस दिन चाँदीको भाउ पनि तोलामा १५ रुपैयाँले बढेर प्रतितोला ९ सय ५० रुपैयाँमा खरिद बिक्री भइरहेको छ । तर बुधबार चाँदी ९ सय ३५ रुपैयाँमा कारोबार भएको थियो ।
