ललितपुर । बिहीबार ललितपुरका ७ जनामा कोरोना संक्रमित भेटिएको छ । स्वास्थ्य तथा जनसंख्या मन्त्रालयको नियमति प्रेस ब्रिफिङमा मन्त्रालयका प्रवक्ता प्रा.डा. जागेश्वर गौतमले यसको पुष्टि गरेका हुन् ।
बिहीबार देखिएका संक्रमितहरु सबै ललितपुर महानगरपालिकाभित्र बसोबास गर्ने रहेका छन् । संक्रमितहरुमा ललितपुर महानगरपालिकाभित्र अस्थायी रुपमा बसोबास गर्ने ५२ वर्ष, २५ वर्ष, ३० को पुरुप र ३० वर्षको महिला रहेका छन् । त्यस्तै ललितपुर महानगरपालिकामा स्थायी रुपमा बसोबास गर्ने ५९ वर्षको पुरुष र ४९ वर्षको महिला रहेको स्वास्थ्य कार्यालय ललितपुरले जनाएको छ । उनीहरु सबैको अवस्था सामान्य रहेको छ ।
योसँगै ललितपुरमा हालसम्म १०५ जना कोरोना भाइरस (कोभिड–१९) संक्रमित पुगेको छ, जसमध्ये महिला ४३ जना र पुरुष ६२ जना रहेका छन् । यिनीहरुमध्ये ललितपुरको बुंगमतीमा ५७ वर्षिय पुरुष र टीकाथलीमा ५० वर्षिय पुरुषको निधन भएको छ ।
