ललितपुर । पाटन अस्पतालमा एक कोरोना संक्रमित महिलाको मृत्यु भएको छ। ६५ वर्षीया उनको शुक्रबार बिहान ९ :१५ बजे मृत्यु भएको अस्पतालका निर्देशक डाक्टर विष्णु शर्माले जानकारी दिएका छन्।
ललितपुर थसिखेल निवासी उनलाई साउन ६ गते पाटन अस्पतालको आइसियुमा भर्ना गरिएको थियो ।
हालसालै वीरगन्जबाट आएकी उनलाई स्टार अस्पतालमा कोरोना संक्रमण पुष्टि भएपछि पाटन अस्पताल सारिएको थियो ।
योसँगै नेपालमा कोरोनाबाट मृत्यु हुनेको संख्या ५६ पुगेको छ।
