काठमाडौं । पछिल्लो २४ घण्टामा ५१ सय ५३ जनालाई कोरोना भाइरस (कोभिड–१९) संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार सोही अवधिमा ६५७० जना निको भएका छन् भने १०८ जना संक्रमितको मृत्यु भएको छ । अहिले ८२ हजार ७३६ जना संक्रमित आइसोलेसनमा छन् ।
पछिल्लो २४ घण्टामा १२ हजार ६५ पीसीआर र ५६११ जनाको एन्टीजेन परीक्षण भएको छ । अहिलेसम्म नेपालमा ६ लाख ११ हजार ३०८ जनालाई संक्रमण पुष्टि भएको छ भने कोरोनाबाट निको हुनेको संख्या ५ लाख ४ हजार ५३० पुगेको छ । ८ हजार ९८ संक्रमितको मृत्यु भएको छ ।
