काठमाडौं । पछिल्लो २४ घण्टामा देशभर २५ सय ६८ जनामा कोरोना भाइरस (कोभिड–१९) संक्रमण देखिएको छ । स्वास्थ्य तथा जनसंख्या मन्त्रालयले दिएको जानकारी अनुसार पीसीआर परीक्षणबाट १९ सय ८१ जना र एन्टिजेन परीक्षणबाट ५ सय ८७ जनामा संक्रमण पुष्टि भएको हो ।
२४ घण्टामा जम्मा १२ हजार ६३६ परीक्षण भएको छ । जसमा पीसीआर परीक्षण ८४ सय २ र एन्टिजेन परीक्षण ४२ सय ३४ भएको मन्त्रालयले जानकारी दिएको छ ।
स्वास्थ्य मन्त्रालयका अनुसार २४ घण्टामा २०२० जना कोरोना मुक्त भएका छन् । कोरोनाबाट १८ जनाको मृत्यु भएको छ ।
हालसम्म पिसिआर विधिबाट ६ लाख ९७ हजार ३७० जना र एन्टिजेन ६१ हजार ९३७ विधिबाट जनामा कोरोना पुष्टि भएको छ ।
कोरोना मुक्त हुनेको संख्या ६ लाख ५६ हजार १९७ पुगेको छ । कोरोनाबाट मृत्यु हुनेको कुल संख्या ९ हजार ८७५ पुगेको छ । अहिले देशभर सक्रिय संक्रमितको संख्या ३१ हजार २९८ पुगेको छ ।
