काठमाडौं । पछिल्लो २४ घण्टामा देशभर ३१ सय २५ जनामा कोरोना भाइरस (कोभिड–१९) संक्रमण देखिएको छ । स्वास्थ्य तथा जनसंख्या मन्त्रालयले दिएको जानकारी अनुसार पीसीआर परीक्षणबाट २२ सय ७९ जना र एन्टिजेन परीक्षणबाट ८ सय ४६ जनामा संक्रमण पुष्टि भएको हो ।
२४ घण्टामा जम्मा १३ हजार ८११ नमुना परीक्षण भएको छ । जसमा पीसीआर परीक्षण १० हजार ६१३ र एन्टिजेन परीक्षण ३ हजार १९८ भएको मन्त्रालयले जानकारी दिएको छ ।
स्वास्थ्य मन्त्रालयका अनुसार २४ घण्टामा १९ सय २५ जना कोरोनामुक्त भएका छन् । कोरोनाबाट २३ जनाको मृत्यु भएको छ ।
हालसम्म पिसिआर विधिबाट ६ लाख ९९ हजार ६४९ जना र एन्टिजेन ६२ हजार ७८३ विधिबाट जनामा कोरोना पुष्टि भएको छ ।
कोरोना मुक्त हुनेको संख्या ६ लाख ५८ हजार १२२ पुगेको छ । कोरोनाबाट मृत्यु हुनेको कुल संख्या ९ हजार ८९८ पुगेको छ ।
अहिले देशभर सक्रिय संक्रमितको संख्या ३१ हजार ६२९ पुगेको छ ।
