काठमाडौं । अविरल वर्षाको कारण मुस्ताङ, नुवाकोट, मकवानपुर र सुर्खेतका विभिन्न स्थानमा आइतबार पहिरो जाँदा सडक अवरोध भएको छ ।
मुस्ताङ, घरपझोङ गाउँपालिका–२ मार्फास्थित बेनी(जोमसोम सडकखण्ड अन्तर्गत मार्फा खोलामा लेदो सहितको बाढी आउँदा सडक पूर्णरुपमा अवरोध भएको छ । सडक अवरोध भएको भन्ने खबर प्राप्त हुनासाथ जिल्ला प्रहरी कार्यालय मुस्ताङबाट खटिएको प्रहरीले सम्बन्धित निकायसँगको समन्वयमा सडक खुलाउन आवश्यक पहल गरिरहेको छ ।
नुवाकोट, किस्पाङ गाउँपालिका–५ पैरेबेशीस्थित त्रिशुली मैलुङ स्याप्रुबेसी रसुवा जाने सडकखण्डमा पहिरो जाँदा सडक पूर्णरूपमा अवरोध भएको छ । सडक पूर्ण रुपमा अवरोध भएको भन्ने खबर प्राप्त हुनासाथ प्रहरी चौकी मैलुङबाट खटिएको प्रहरीले सडक खुलाउने आवश्यक पहल गरिरहेको छ ।
यसैगरी नुवाकोट, ककनी गाउँपालिका–४ निगालेस्थित पासाङ ल्हामु राजमार्गमा माथिबाट पहिरो जाँदा सडक अवरोध भएको छ । सडक अवरोध भएको भन्ने खबर प्राप्त हुनासाथ प्रहरी चौकी ककनीबाट खटिएको प्रहरीले सम्बन्धित निकायसँग समन्वय गरी सडक खुलाउन आवश्यक पहल गरिरहेको छ ।
मकवानपुर, ईन्द्रसरोवर गाउँपालिका-२ छेपारेस्थित कुलेखानी सिस्नेरी काठमाडौं सडकखण्डमा पहिरोल जाँदा सडक अवरोध भएकोछ । पहिरो गएको भन्ने खबर प्राप्त हुनासाथ प्रहरी चौकी खानीखेतबाट खटिएको प्रहरीले सडक खुलाउन आवश्यक पहल गरिरहेको छ ।
सुर्खेत, बराहताल गाउँपालिका-५ स्याउलेस्थित कर्णाली राजमार्गमा पहिरो जाँदा सडक पूर्णरुपमा अवरोध भएको छ । पहिरो गएको भन्ने खबर प्राप्त हुनासाथ प्रहरी चौकी बड्डिचौर सुर्खेतबाट खटिएको प्रहरीले सम्बन्धित निकायसँग समन्वय गरी सडक खुलाउने आवश्यक पहल गरिरहेको छ ।
