ललितपुर । ललितपुर उद्योग बाणिज्य संघको ४४ औं वार्षिक साधारणसभाबाट अध्यक्ष पदमा विश्वराज बज्राचार्य निर्वाचित भएका छन् ।
आइतबार राति सम्पन्न मत गणनाको परिणामअनुसार बज्राचार्यले ६५५ मत ल्याएर विजयी भएका हुन् । उनका निकटतम प्रतिस्पर्धी रूपकमान महर्जनले ५४२ मत पाए । अध्यक्षमा अर्का स्वतन्त्र उम्मेदवार रविन्द्ररज ताम्राकारले २२८ मत पाए ।
संघको बरिष्ठ उपाध्यक्षमा सुसन महर्जन ७४८ मतले विजयी हुँदा उनका निकटम प्रतिस्पर्धी वीरेन्द्रलाल श्रेष्ठले ६४४ मत पाए ।
त्यस्तै उद्योगतर्फका उपाध्यक्ष आपुलाल अवाले ७१८ मतले विजयी हुँदा उनका निकटम प्रतिस्पर्धी सुरज बज्राचार्यले ६५१ मत पाए ।
वाणिज्यतर्फ उपाध्यक्ष सुनिल शाक्य ७७४ मत ल्याएर विजयी हुँदा उनका निकटम प्रतिस्पर्धी राकेश भक्त मुल्मीको मत ६१० रहेको छ ।
एशोसियट उपाध्यक्षमा रमेश सिं महर्जन विजयी भए । उनको मत ७३० रहेको छ भने निकटम प्रतिस्पर्धी मुकुन्द महर्जनको ६४२ मत पाए ।
संघको महासचिवमा भूमि नन्दन कर्माचार्यले ८६० मत पाएर विजयी हुँदा उनका प्रतिस्पर्धीको महेश श्रेष्ठको ५३० मत पाए ।
कोषाध्यक्षमा राजु महर्जनले ७१९ मत पाएर विजयी हुँदा उनका प्रतिस्पर्धी मिलन शाक्यले ६७६ मत पाए ।
संघको कार्यसमिती सदस्यहरूमा अनिल महर्जन, गुणकेशरी ताम्राकार, प्रविण ताम्राकार, प्रविण बज्राचार्य, सजना श्रेष्ठ (नेम्कुल), सुदीक्षा डंगोल, प्रमशराज बज्राचार्य, बिक्रम बज्राचार्य, महेश्वरलाल खोशी, राकेश राज बज्राचार्य र विमला शाक्य, उर्मिला श्रेष्ठ जोशी, सुजन बज्राचार्य, पूर्णबहादुर महर्जन र एशोसियट तर्फबाट कार्यसमिती सदस्यमा रवि महर्जन निर्विरोध निर्वाचित भएका छन् ।
गतशुक्रबार संघको ४४ औं वार्षिक साधारण सभा उद्योग बाणिज्य तथा आपूर्ति मन्त्री रमेश रिजालले उद्घाटन गरेका थिए । बन्दसत्रपछि नयाँ नेतृत्व चयनका लागि शनिबार विहान ८ बजेदेखि दिउसो ३ बजेसम्म स्टाफ कलेज जावलाखेलमा मतदान भएको थियो ।
