बारा । बारा जिल्ला निजगढ नगरपालिका वडा नम्बर १ स्थित सिंगौल ब्रह्मबाबा खानेपानी तथा सरसफाइ आयोजना उपभोक्ता समितिको अध्यक्षमा बिर्दोज जिम्बा चयन भएको छ ।
समितिको प्रथम साधारण सभाले जिम्बाको नेतृत्वमा ९ सदस्यीय समिति चयन गरेको हो । नयाँ समितिको सचिवमा राकेश जिम्बा, कोषाअध्यक्ष सोभावती गुरो र सदस्यहरुमा दिपा कुमर, जितकुमारी खड्का, अन्जली थापा मगर, बुद्धबहादुर लोप्चन, लालबहादुर चौधरी, बिजरमान ब्लोन रहेका छन् ।
ब्रह्मबाबा खानेपानी तथा सरसफाइ आयोजना उपभोक्ता समितिको ८ वर्षपछि प्रथम साधारण सभा सम्पन्न भएको हो । वनस्थली हाट बजार नजिकै रहेको बह्रमबाबा खानेपानीको प्रांगणमा इन्द्रबहादुर भण्डारीको अध्यक्षतामा प्रथम साधारण सभा सम्पन्न भएको छ ।
प्रथम साधारण सभाको वडा नम्बर १ मा गएको निर्वाचनमा गठबन्धनबाट निर्वाचित वडा सदस्य कान्तलाल धामी प्रमुख आतिथि रहेको थियो ।
नयाँ कार्यसमितिलाई शुभकामना दिदै लामो समयसम्म संस्थाको अध्यक्ष समेत रहेको भण्डारीले स्थानीयले ब्रह्मबाबा खानेपानी संस्थाबाट अपेक्षा गरे अनुसारको सेवा दिनुपर्नेमा जोड दिए । भण्डारीको पहलमा २ लाख २५ हजार लिटर क्षमता भएको ओभरहेट ट्यांकी निर्माण सम्पन्न भएको थियो । सो समितिमार्फत हाल वडा नम्बर १ र २ का कुल २४९ स्थानीय घरधुरीले शुद्ध पानी प्रयोग गर्दै आइरहेका छन् ।
