काठमाडौं । नेपाली बजारमा मंगलबार सुनचाँदीको भाउ बढेको छ । नेपाल सुनचाँदी व्यवसयाी महासंघका अनुसार सुनको भाउ प्रतितोला ५०० रुपैयाँले बढेको जनाएको हो ।
यससँगै, आज छापावाल सुनको भाउ तोलामा १ लाख २१ हजार रुपैयाँ र तेजाबी सुनको भाउ तोलामा १ लाख २० हजार ४०० रुपैयाँ कायम छ ।
सोमबार छापावाल सुनको भाउ तोलामा १ लाख २० हजार ५०० र तेजाबी सुनको भाउ तोलामा १ लाख १९ हजार ९०० रुपैयाँ थियो ।
यस्तै, आज चाँदीको भाउ समेत बढेको छ । महासंघले चाँदीको मूल्य तोलामा ५ रुपैयाँले बढेर कारोबारमा आएको जनाएको हो । यससँगै, आज चाँदीको मूल्य तोलामा १४ सय ६० रुपैयाँमा कारोबार भइरहेको छ ।
