बारा । ‘राष्ट्रकोलागि खेलकुद, स्वास्थकोलागी खेलकुद' भन्ने मुल नाराका साथ निजगढ नगरपालिका वडा नम्बर १० लालमा दोश्रो लोछार कप फुटबल प्रतियोगिता आयोजना हुने भएकोछ ।
योङ्ग स्टार युनाइटेड फुटबल क्लबले माघ १८ गतेदेखि आयोजना हुन लागेको बुधबार पत्रकार सम्मेलन मार्फत जानकारी गराएकोछ ।
निजगढ वडा नम्बर १० स्थित योङ्ग स्टार बुद्धचोक खेलमैदानमा संचालन हुने प्रतियोगितामा विजेताले १ लाख १० हजार नगदसहित ट्रफी, मेट्ल र प्रमाणपत्र प्राप्त गर्नेछ भने उपविजेताले ५५ हजार नगदसहित ट्रफी, मेटल र प्रमाणपत्र प्राप्त गर्नेछ ।
प्रत्येक खेलमा म्यान अफ द म्याचले नगद १ हजार नगदसहित ट्राफि समेत प्राप्त गर्ने आयोजक योङ्ग स्टार युनाईटेड फुटबल क्लबका अध्यक्ष अशोक लामाले बताएको छ । प्रतियोगितामा मधेस प्रदेशलगायत बागमती प्रदेशका फुटबल टोलिहरुको सहभागीता रहने छ ।
दोश्रो ल्होछार कपमा १६ टिमले प्रतिस्पर्धा गर्ने छन । सहभागी टोलि जिल्लाहरु मकवानपुर , सर्लाही, पर्सा र रौतहटलगायत १६ फुटबल टोलिको सहगीता रहने छन ।
पत्रकार सम्मेलनमा क्लबका अध्यक्ष लामा,पत्रकार सम्मेलनमा वडा नम्बर १३ का वडा अध्यक्ष सुर्य घलान, पुर्व क्लबका अध्यक्ष सिद्धार्थ लोप्चन, कुमार बहादुर मोक्तानलगायतको उपस्थिती रहेको थियो ।
