काठमाडौं । आगालगीबाट पूर्ण रुपमा क्षति भएको पोखरा महानगरपालिका वडा नं. ८ स्थित सिर्जनचोकमा रहेको नैना दोहोरी साँझलाई रात्रीकालिन मनोरंजन ब्यबसायी संघले ५१ हजार आर्थिक सहयोग गरेको छ । सघंको कोटेश्वर स्थित कार्यलयमा रेस्टुरेन्ट ब्यवसायी सघं पोखराका अध्यक्ष जीवन गुरुङलाई संघका पदाधीकारीहरुको उपस्थितिमा संघका अध्यक्ष आशिष खड्काले ५१ हजारको चेक हस्तान्तरण गरेका हुन ।
संघले मनोरन्जन क्षेत्रमा मात्र नभई ब्यवसायी, कलाकार र सामाजिक उतरदायित्व अन्तर्गत विभिन्न क्षेत्रमा काम गरिरहेको सघंका अध्यक्ष खड्काले जानकारी दिए । कोभिडको समय होस वा कुनै ब्यवसायीको समस्या होस या कुनै कलाकारको समस्या नै किन नहोस सदैव संघ साथमा रहेको समेत खड्काले बताए ।
यता पोखराका अध्यक्ष गुरुङले संघलाई धन्यवाद दिदै आगामी दिनमा एकअर्का बीच थप सहकार्य गदै अघि बढ्ने प्रतिवद्धता ब्यक्त गरे ।
कार्यक्रममा संघका महासचिव सगुन अधिकारी, वरिष्ठ उपाध्यक्ष दिनेश थापा, प्रथम उपाध्यक्ष सुजन श्रेष्ठ र कोषाध्यक्ष राजकुमार कार्की सहभागिता रहेको थियो ।
केही समय अघि मात्र संघले उच्च रक्तचापका कारण अस्वस्थ भई उपचाररत लोकगायक तथा सर्जक रेशम थापालाई ५१ हजार आर्थिक सहयोग गरेको थियो ।
