काठमाडौं । आज नेपाली बजारमा सुनको भाउ बढेको छ । नेपाल सुनचाँदी व्यवसायी महासंघका अनुसार आज छापावाला र तेजावी सुनको भाउ प्रतितोला २ हजारले वृद्धि भएको हो ।
आज छापावाला सुनको भाउ प्रतितोला १ लाख २३ हजार रुपैयाँ र तेजावी सुनको भाउ प्रतितोला १ लाख २२ हजार ४०० रुपैयाँ पुगेको छ, जुन हालसम्मको उच्च भाउको कारोबार हो ।
यसअघि गत पुस १२ गते १ लाख २२ हजार रुपैयाँमा सुनको कारोबार भएको थियो । त्यसयता भाउ केही घटेर फागुन ३ गते १ लाख १६ हजार ५ सय रुपैयाँमा झरेर कारोबार भएको थियो ।
आज चाँदीको भाउ पनि प्रतितोला ३५ रुपैयाँले बढेको छ । चाँदीको भाउ प्रतितोला १४ सय ४५ रुपैयाँमा कारोबार भईहरको छ ।
