ललितपुर । ललितपुर जिल्लाको गोदावरी नगरपालिका वडा नं. ४ स्थित तपेश्वर सामुदायिक बनमा डढेलो निभाउन जाँदा घाइते भएका अर्का एक व्यक्तिको पनि मृत्यु भएको छ । गोदावरी नगरपालिका वडा नं. ४ घर भएका ५० वर्षीय रमेश पहरीको उपचारको क्रममा मृत्यु भएको जिल्ला प्रहरी परिसर ललितपुरका प्रवक्ता, प्रहरी उपरीक्षक नरेशराज सुवेदीले जानकारी दिए ।
मङ्गलवार डढेलोमा परेर घाइते भएका उनलाई उपचारका लागि कीर्तिपुर बर्न अस्पतालमा राखिएको थियो । सो जङ्गलमा आगो निभाउन गएका ३५ वर्षीय शङ्कर पहरीको हिजो (मङ्गलवार) मृत्यु भएको थियो । मंगलबार दिउँसो डढेलो निभाउने क्रममा उनीहरू घाइते भएका थिए ।
ललितपुरको तपेश्वर, लेले र आनन्दवनमा डढेलो लागिरहेको छ ।
