काठमाडौं । स्थानीय वायुको आंशिक प्रभावले देशभर अधिकतम र न्यूनतम तापक्रम बढिरहेको छ। मौसम पूर्वानुमान महाशाखाका अनुसार देशभर तापक्रम बढ्ने क्रममा छ।
मध्य र पश्चिमी तराईका भूभागमा अत्यधिक गर्मीको सम्भावना छ। त्यसैले गर्मीका कारण दैनिक जनजीवन, स्वास्थ्य, कृषि लगायतका क्षेत्रमा प्रभाव पर्नसक्ने महाशाखाले जनाएको छ। विशेषगरी तराई-मधेशका क्षेत्रमा आगामी दुई दिन अत्यधिक गर्मी हुने सम्भावना रहेकाले सावधानी अपनाउन महाशाखाले अनुरोध गरेको छ।
महाशाखाका अनुसार कोशी र गण्डकी प्रदेशको पहाडी भूभागमा आंशिक बदली रही बाँकी भूभागमा मौसम मुख्यतया सफा छ।
