लतिलपुर । ललितपुरको धापाखेलबाट पेस्तोल र नगदसहित एक जना पक्राउ परेका छन् ।
मदिरा सेवन गरेर होहल्ला गरेको जानकारी पाएपछि गएको प्रहरी टोलीले ललितपुर महानगरपालिका वडा नं. २३ धापाखेलबाट खोटाङको साकेला गाउँपालिका घरभएका २३ वर्षीय शिवकुमार विकलाई बुधबार बिहान ३ बजेतिर प्रहरीले पक्राउ गरेको हो ।
विकलाई एक थान म्याग्जिनसहितको चाइनिज पेस्तोल, ४ लाख ७८ हजार रूपैयाँ नगद र आइफोनसहित नियन्त्रणमा लिएको हो ।
पक्राउ परेका विक धापाखेलमा जग्गा भाडामा लिई टहरो बनाई बस्दै आएकी तारा विकको टहरोमा १ महिनादेखि बस्दै आएको प्रहरीले जनाएको छ ।
