काठमाडौं । कारबाही र निलम्बन गर्नुपर्ने व्यक्तिलाई नेपाल वायुसेवा निगमले उल्टो १० औं तहको पद सुम्पिएपछि निगममा भाडभैलो मच्चिएको छ । यसअघि अनेकौं बदमासी र काण्ड मच्याउँदै आएका क्याप्टेन रबिन्द्रकुमार शेरचनलाई माथिल्लो पदको जिम्मा दिएपछि अन्य कर्मचारीले त्यसको कडा विरोध गरेका हुन् । शेरचन यसअघि अनेकौं बदमासी र काण्डमा मुछिएका छन् । जसको लेखाजोखा गर्ने हो भने ठूलो भ्रष्टार ठहरिन्छ । तर, राज्यका निकायले नै शेरचनमाथि कुनै कारबाही गरेको छैनन् । स्रोतका अनुसार निगमका अपरेसन विभागका निर्देशक र मानव संशाधन विभागका निर्देशकको मिलोमत्तोमा माथिल्लो पदको जिम्मेवारी सुम्पिइएको हो । उनीभन्दा सिनियर अन्य पाइलटहरुले विरोध गर्दा पनि निगमले त्यसमा कुनै गम्भीरता देखाएको छैन । शेरचनसँग मिलोमत्तो गर्ने र निगममा भ्रष्टाचार गर्नको लागि केही कर्मचारीले शेरचनलाई अघि बढाएका छन् । ‘शेरचनले निगमलाई खोक्रा बनाइसके, यसअघि पनि अनेक काण्ड र अनियमितता गरेका छन्, तर त्यस्ता व्यक्तिलाई माथिल्लो पद सुम्पिनु भनेको आयल निगमलाई र्न ध्यवस्त पार्नु हो,’ निगमका एक कर्मचारीले भने ।
यस्ता व्यक्तिलाई थप जिम्मेवारी र पद दिएपछि राष्ट्रिय ध्वजबाहक नेपाल वायुसेवा निगम (नेवानि) को छवीमाथि नै प्रश्न उठेको छ । निगममा उनीभन्दा सिनियर दीपकनरसिंह राणा, राकेश राणा, महेश्वरमान डंगोल, समज कुमार श्रेष्ठ रहेका छन् । तर, वरिष्ठलाई बेवास्ता गर्दै भित्रभित्रै चलखेल रच्दै उनलाई अघि बढाइएको थियो । जसको स्वीकार अन्य पाइलट र कर्मचारीले गरेका छैनन् । क्याप्टेन प्रदीपराज भण्डारीले आफूहरुलाई पछि पार्नेगरी भएको षडयन्त्रले निरुत्साहित पारेको जानकारी दिए । उनका अनुसार शेरचनले निगमले सिनियर कर्मचारीको कदर गर्न नसकेको जानकारी दिए । उनले भने, ‘उनले गलत काम गर्दागर्दै पनि त्यस्तो पद दिनु राम्रो होइन, हामीलाई थाहा नै नदिई एकजनालाई षडयन्त्रपूर्वक सरुवा गरियो ।’
शेरचनलाई यसअघि निगमले कारबाही पनि गरेको थियो । यसअघिका अनेकौं बदमासी र पदको दुरुपयोग गरेका छन् । उसलाई कारबाहीपछि पनि यसअघि महत्वपूर्ण मानिने जहाज सञ्चालन (अपरेसन) विभाग प्रमुखको जिम्मेवारी दिइएको थियो । हाल उनलाई दशौं तहको जिम्मेवारी दिइएको छ । उनले जहाज उडाउँदा तोकिएको क्षमताभन्दा बढी तौल बोके । आर्थिक अनियमितता गरेको तथ्य प्रमाण सुरक्षित छन् । तर, पटकपटक बदमासी गरी कारबाहीमा परेका शेरचनलाई निगमका तत्कालीज कार्यकारी अध्यक्ष मदन खरेलले महत्वपूर्ण जिम्मेवारी दिँदै अघि सार्दै आएका थिए । यस्तो व्यक्तिलाई कार्यरकारी अध्यक्षले नै संरक्षण गर्दै जिम्मेवार थप गरेपछि खरेलमाथि पनि प्रश्न उठेको छ । कैयौं कागजातले शेरचनले आर्थिक अनियमितता गरेको पुष्ट्याई गरेपछि त्यसमा दाहिले हात भएर सहयोग खरेलले गरेको थिए । हालका कार्यकारी अध्यक्ष शुशील घिमिरेले पनि उनको बचाउ र संरक्षण गर्दै आएका छन् । यतिधेरै हर्कत गर्दापनि उनीमाथि कारबाही गर्न घिमिरे हच्किएका छन् । उनी शेरचनसँगै डराएका छन् । आफ्नो पदको मायाले उनी पनि केही गर्न सकिरहेका छ्रैनन ।
शेरचनले आफूले रकम लिन जहाजलाई तोकिएको क्षमताभन्दा बढी सामान बोकाउने गरेका छन् । यस्तो तथ्यलाई हेर्दा एकातिर आर्थिक अपचलन हुने र अर्कोतिर दुर्घटना हुने जोखिम हुन्छ । पर्यटन, संस्कृति तथा नागरिक उड्डयन मन्त्री योगेश भट्राईले पद सम्हाले पनि नेपाल बायुसेवा निगमभित्रको बदमासीलाई जोगाउँदै आएका छन् । उनले अनियमितता र भ्रष्टाचार गर्ने शेरचनलाई कुनै कारबाही गर्न सकिरहेका छ्रैनन् । ‘त्यति धेरै अनियमितता गर्नेलाई राज्यका निकायले नै संरक्षण गर्नु राम्रो होइन, सिमित व्यक्तिको लागि फाइदा पुगेपनि निगम र देशलाई घाटाको विषय हो,’ मन्त्रालयका एक कर्मचारीले भने ।
यसअघि पाइलट शेरचनले निगमलाई थाहा नदिई जहाजको क्षमताभन्दा बढी वजन बोकेर त्यसबापत आउने भाडा आफ्नै खल्तीमा हालेका थिए ।
हेर्नुहोस् शेरचनले कति कतुर्त
