काठमाडौं । सोमबार सुनचाँदीको भाउमा गिरावट आएको छ । आज सुनको भाउ तोलामा २०० रुपैयाँले घटेको छ ।
नेपाल सुन चाँदी व्यवसायी महासंघका अनुसार यस दिन छापावाला सुनको भाउ प्रतितोला ९८ हजार २०० र तेजाबी सुन प्रतितोला ९७ हजार ७०० रुपैयाँमा कारोबार भइरहेको छ ।
आज (सोमबार) चाँदीको भाउमा सामान्य गिरावट आएको छ । आइतबार तोलामा ३० रुपैयाँले घटेर प्रतितोला १ हजार ३२५ रुपैयाँ कायम रहेको चाँदी आज भने १० रुपैयाँले घटेर प्रतितोला १ हजार ३१५ रुपैयाँमा खरिदबिक्री भएको छ ।
अन्तराष्ट्रिय बजारमा पनि सुन तथा चाँदी दुबैको भाउमा केहि दिन यता उतारचढाव देखिएको छ । सोहि कारण नेपाली बजारमा पनि त्यसको असर परेको हो ।
