ललितपुर । ललितपुरको गोदावरी नगरपालिकामा कोरोनाभाइरस संक्रमण दर बढ्दै गएको छ ।

शनिबार बेलुकासम्म नगरपालिकामा ४२ जनामा कोरोना संक्रमण पुष्टि भइसकेको गोदावरी नगरपालिकाका प्रवक्ता मिलन सिलवालले जानकारी दिए । उनका अनुसार २ जनाको पुरा ठेगाना नखुलेको र अन्य ३ जना अन्य स्थानीय तहको रहेका छन् । सिलवालले भने, ‘गोदावरी नगरपालिकाले २१० जनाको कन्ट्रयाक्ट ट्रेसिङ गर्दा ११ जनामा पोजिटिभ देखिएको छ ।’ गोदामचौरमा १ जना, गोदावरीमा १ जना, बडिखेलमा १ जना, डुकुछापमा ११ जना, ठेचोमा २ जना र झरुवारासीमा ३ जना होम आईसोलेसनमा बसेको उनले बताए ।

गोदावरीको डुकुछाप क्षेत्र सबैभन्दा बढी जोखिममा देखिएको छ । त्यसपछि चापागाउँ, गोदावरी, ठैव बाडेगाउँ क्षेत्रमा बढी संक्रमण देखिएका छन ।

शनिबार बेलुकासम्म गोदावरीमा ४२ जना संक्रमित भेटिएका स्थान यसप्रकार छनः–

डुकुछाप
गोदावरी नगरपालिकाको वडा नम्बर ८ स्थित डुकुछाप क्षेत्र कोरोनाको हटस्पट देखिएको छ । वडासचिव मुकुन्द घिमिरेका अनुसार त्यहाँ ४ पुरुष र ४ महिला गरी ८ जना कोरोना संक्रमित भेटिइसकेका छन् । डुकुछापको पनि दनुवार बस्ती बढी जोखिम देखिएको छ । घिमिरेका अनुसार डुकुछापमा देखिएका सबै स्थानीय बासिन्दा रहेका छन्, उनीहरुको ट्राभल हिस्टी छैन । ११

चापागाउँ
साविकको चापागाउँ गाविसलाई फुटाएर अहिलेको गोदावरी नगरपालिकाको १० र ११ नम्बर वडा बनाइएको छ । वडा नं.१० मा ४ पुरुष र १ महिला गरी ५ जनामा कोरोना पोजिटिभ देखिएको छ ।
त्यस्तै वडा नं. ११ मा ४ पुरुष र २ महिला गरी ६ जनामा कोरोना पोजिटिभ देखिएको छ ।

चापागाउँ क्षेत्रमा ११ जना कोरोना संक्रमित भेटिएकोले यो क्षेत्र पनि जोखिमयुक्त देखिएको छ ।

यस क्षेत्र दक्षिण ललितपुरको व्यापारिक केन्द्र विन्दु रहेको छ । घना तथा पुरानो बस्ती रहेको छ ।

गोदावरी
नगरको वडा नम्बर ३ स्थित गोदावरी क्षेत्र पर्यटकीय क्षेत्र रहेको छ । प्रवक्ता मिलन सिलवालका अनुसार यस क्षेत्रमा पनि ३ पुरुष र २ महिला गरी ५ जनामा कोरोना पोजिटिभ देखिएको छ ।

ठैव बाडेगाउँ
गोदावरी नगरपालिकाको वडा नं. १४ ठैव बाडेगाउँमा ३ पुरुष र १ महिलागरी ४ जनामा पोजिटिभ केस देखिएको छ ।

गोदावरी १ (गोदामचौर)
पुरुष १, महिला १ गरी २ जनामा कोरोना पोजिटिभ

गोदावरी २ (विशंखुनारायण)
कोही पनि संक्रमित भेटिएको छै न।

वडा नं. ४ (वडीखेल)
पुरुष १, महिला १ गरी २ जनामा पोजिटिभ

वडा नं. ५ (लेले)
१ पुरुषमा कोरोजना पोजिटिभ

वडा नं. ६ (लेले टिकाभैरव)
कोरोना पोजिटिभ देखिएको छैन ।

वडा नं. ७ (देवीचौर)
कोरोना पोजिटिभ देखिएको छैन ।

वडा नं. ९ (छम्पी)
कोरोना पोजिटिभ देखिएको छैन ।

वडा नं. १२ (ठेचो)
२ पुरुष र १ महिलामा गरी ३ जनामा कोरोना पोजिटिभ देखिएको

वडा नं. १३ (झरुवाराशी)
१ महिलामा पोजिटिभ देखिएको