काठमाडौं । प्रुडेन्सियल इन्स्योरेन्सको हकप्रद शेयर र साइन रेसुङ्गा डेभलपमेण्ट बैंकको बोनस शेयर आइतवार नेपाल स्टक एक्सचेञ्ज (नेप्से) मा सूचीकृत भएको छ ।
प्रुडेन्सियल इन्स्योरेन्सको ६० प्रतिशत हकप्रद वापतको ३८ लाख ४९ हजार १२० कित्ता र साइन रेसुङ्गाको १५ प्रतिशत बोनस शेयर वापतको ३९ लाख ३४ हजार ३५६ दशमलव १९ कित्ता शेयर नेप्सेमा सूचीकृत भएको हो ।
सूचीकृत भएको दोस्रो दिन सोमवारदेखि यी शेयरहरु कारोबार गर्न सकिनेछ । तर, सम्बन्धित शेयरधनीहरुको हितग्राही खातामा भने उक्त शेयर जम्मा भइसकेको हुनुपर्ने छ ।
