काठमाडौं । शुक्रबार सुनचाँदीको भाउ घटेको छ । यस दिन सुन तोलामा ३०० रुपैयाँले घटेको हो ।
नेपाल सुन चाँदी व्यवसायी महासंघले आज छापावाल सुन प्रतितोला ९६ हजार ५०० रुपैयाँ र तेजाबी सुन प्रतितोला ९६ हजार रुपैयाँ तोकेको छ । तर बिहीबार सुन प्रतितोला ९६ हजार ८०० रुपैयाँमा खरिदबिक्री भएको थियो ।
यसैगरी, चाँदीको भाउ पनि तोलामा १५ रुपैयाँले घटेर प्रतितोला १ हजार ३१० रुपैयाँ पुगेको छ । तर बिहीबार चाँदी प्रति तोला १ हजार ३२५ मा कारोबार भएको थियो ।
