काठमाडौं । नेपाल आयल निगमले डिजेल र मट्टितेलको मूल्य घटाएको छ । बुधबार मध्यरातदेखि लागू हुनेगरी डिजेल र मट्टितेलमा लिटरको एक रुपैयाँ मूल्य घटेको आयल निगमले जनाएको छ ।
भारतीय आयल कर्पोरेसनले बुधबार पठाएको नयाँ मूल्य सूचीमा पेट्रोलियम पदार्थको मूल्य घटेको छ । त्यसैका आधारमा डिजेलको मूल्य घटाइएको निगमले जनाएको छ ।
अब डिजेल र मटितेलको मूल्य लिटरको ९० रुपैयाँ कायम भएको छ । पेट्रोलियम पदार्थमा पेट्रोल, हवाई इन्धन र ग्याँसको मूल्य भने घटाइएको छैन ।
