काठमाडौं । नेपाल स्टक एक्सचेञ्ज (नेप्से) परिसूचकमा सातको अन्तिम दिन आज उत्साहजनक वृद्धि भएको छ ।
बिहिबार नेप्से ३० दशमलव ७८ अंकले बढेर १ हजार ५७२ दशमलव १८ विन्दुमा कायम भएको छ ।
राम्रा र बलिया कम्पनीको सूचक सेन्सेटिभ इन्डेक्स पनि ७.०२ अंकको बढेर ३१२.५० विन्दुमा आएर आजको कारोबार बन्द भएको छ ।
नेप्सेका अनुसार आज १९१ कम्पनीको १ करोड १८ लाख ३०४ कित्ता शेयरको किनबेच भई ३ अर्ब ३१ करोड ५६ लाख ६४ हजार ३१९ रुपैयाँ बराबरको कारोबार भयो । यस दिन ४७ हजार ३०९ वटा कारोबार भएका छन् ।
आज नेप्सेमा निर्जिवन विमा समूह बाहेक अन्य सबै सूचकहरुमा वृद्धि भएको छ ।
खरिदबिक्री रकममा नेपाल पुनर्बिमा कम्पनी अग्रस्थानमा रहेको छ । यसको १३ करोड २३ लाख रुपैयाँभन्दा बढीको कारोबार भएको हो । दोस्रोमा नेपाल बैंक र तेस्रोमा चिलिमे हाइड्रोपावर परेको छ ।
