काठमाडौं । बिहीबार सुनचाँदीको भाउ घटेको छ । बिहीबार छापावाल सुन प्रतितोला १२०० रुपैयाँ घटेको छ । बुधबार तोलाको ९४ हजार ३ सय रुपैयाँमा कारोबार भएको छापावाला सुनको भाउ आज (बिहीबार) तोलामा १२ सय रुपैयाँले घटेर ९३ हजार १ सय रुपैयाँ पुगेको नेपाल सुनचाँदी व्यवसायी महासंघले जनाएको छ । त्यस्तै तेजावी सुन प्रति तोला ९२ हजार ६०० रुपैया पुगेको छ ।
नेपाल सुनचाँदी व्यवसायी महासंघका अनुसार चाँदीको भाउ पनि आज ७० रुपैयाँले घटेर तोलामा ११ सय २० रुपैयाँ कारोबार भैरहेको छ । तर बुधबार चाँदी तोलामा ११ सय ९० रुपैयाँ कारोबार भएको थियो ।
