काठमाडौं । नेपालमा कोरोना भाइरसको संक्रमणबाट आइतबार एकैदिन १० जनाको मृत्यु भएको छ। स्वास्थ्य तथा जनसंख्या मन्त्रालयले दिएको जानकारी अनुसार काठमाडौँ उपत्यकाका ५ जनासहित देशभरमा थप १० जनाको मृत्यु भएको हो। मृत्यु हुनेमा १ महिला र ९ पुरुष रहेका छन्।
त्यसमध्ये काठमाडौँका १ महिलासहित ३, ललितपुरका २, बर्दियाका २, बारा,रुपन्देही र अछामका १/१ जना छन्।
योसँगै नेपालमा कोरोना संक्रमणबाट मृत्यु हुनेको संख्या ४७७ पुगेको छ।
यो कूल संक्रमितमध्येको ०.६५ प्रतिशत हो। आइतबार एकैदिन १ हजार ५७३ जनामा कोरोना भाइरसको संक्रमण पुष्टि भएको थियो ।
