ललितपुर । नेपाल कम्प्युनिष्ट पार्टी (नेकपा) ललितपुरका जिल्ला सचिवालय सदस्य गणेश केसी नेपाली कांग्रेसमा प्रवेश गरेका छन् ।
आज एक कार्यक्रमका बीच कांग्रेस महामन्त्री पूर्ण बहादुर खड्काको निवास महाराजगंजमा केसी कांग्रेसमा प्रवेश गरेको खेलकुद विभागका सचिव मीनकृष्ण महर्जनले जानकारी दिए ।
केसी कांग्रेसमा प्रवेश गरेसँगै दक्षिण ललितपुरमा कांगेसको उपस्थिति दरिलो हुने महर्जनको भनाई छ ।
कार्यक्रममा कांग्रेस केन्द्रीय सदस्य शंकर भण्डारी, जिल्ला सभापति मदन बहादुर अमात्य, खेलकुद विभाग केन्द्रीय सचिव मीनकृष्ण महर्जन, १ क प्रदेश सभापति सुन्दरमान थिङ, आमन्त्रित जिल्ला सदस्य ऋषिदेव फुयाल, बागमती गाउपालिका प्रवक्ता विष्णुप्रसाद तिमल्सिना लगायतका नेताहरुको उपस्थिति रहेको थियो ।
गतस्थानीय तहको चुनावमा महांकाल गाउँपालिकामा कांग्रेसको तर्फबाट पालिकाको टिकट नदिएपछि रुष्ट बन्दै केसी विद्रोही रुपमा अध्यक्षको रुपमा उठेका थिए । चुनावपछि माओवादी केन्द्रमा प्रवेश गरी माओवादी केन्द्रको केन्द्रीय आयोजक समिति सदस्यमा मनोनित भएका थिए । पछि पूर्वा नेकपा (एमाले) र माओवादी केन्द्र बीच एकीकरण भएपछि नेकपाको जिल्ला सचिवालय सदस्यमा चयन भएका थिए । हाल केसी महांकाल गाउँपालिकाको नेकपाको इन्चार्जसमेत हुन् ।
