काठमाण्डौ । साताको अन्तिम कारोबार दिन शुक्रबार सुनको भाउ ह्वात्तै बढेको छ।
नेपाल सुनचाँदी व्यवसायी महासंघका अनुसार आज सुनको भाउ तोलामै १ हजार रुपैयाँले उकालो लागेको हो। यो बढोत्तरीसँगै आज प्रतितोला छापावाल सुन ९७ हजार २०० रुपैयाँ र तेजाबी गोल्ड ९६ हजार ७०० रुपैयाँ कायम भएको छ।
बिहीबार छापावाल प्रतितोला ९६ हजार २०० रुपैयाँ र तेजाबी गोल्ड ९५ हजार ७०० रुपैयाँमा कारोबार भएको थियो।
त्यस्तै आज चाँदीको भाउ तोलामै ४५ रुपैयाँ बढेर १ हजरा २५५ रुपैयाँ कायम भएको छ। हिजो तोलामा ५ रुपैयाँले बढेर चाँदीक १ हजार २१० रुपैयाँमा कारोबार भएको थियो।
