बैतडी । बिहीबार राति बैतडीमा बस दुर्घटना हुँदा ९ जनाको मृत्यु भएको छ । ३४ जना घाइते भएका छन् ।
बैतडीको डिलाशैनी–१ गन्नाबाट महेन्द्रनगरका लागि छुटेको ना ५ ख ५१४१ नम्बरको पवनदूत यातायातको यात्रुवाहक बस बिहीबार राति बैतडीको पाटन–८ खोड्पेमा दुर्घटना भएको हो ।
दुर्घटनामा मृत्यु हुनेमा ७ जना पुरुष र २ जना महिला रहेको प्रहरीले जनाएको छ । ८ जनाको घटनास्थलमै र एक जनाको उपचारका क्रममा डडेलधुरा लैजाने क्रममा मृत्यु भएको हो ।
दुर्घटनामा परी घाइते भएका ३४ जनामध्ये गम्भीर घाइते ७ जनालाई धनगढी रेफर गरिएको छ भने बाँकी २७ जनाको डडेलधुरा अस्पतालमा उपचार भइरहेको छ ।
