काठमाडौं । गृह मन्त्रालयले तीन जिल्लाका प्रमुख जिल्ला अधिकारी (सीडीओ) को सरुवा गरेको छ।
आज काठमाडौं, भक्तपुर र धनुषाका प्रमुख जिल्ला अधिकारीको सरुवा गरिएको गृह मन्त्रालयले जनाएको छ।
काठमाडौंको प्रमुख जिल्ला अधिकारीमा कालि पराजुली, भक्तपुरमा प्रेम भट्टराई र धनुषामा बन्धु बास्तोलालाई सरुवा गरिएको छ।
काठमाडौंका प्रमुख जिल्ला अधिकारी जनकराज दाहाल र भक्तपुरकी प्रमुख जिल्ला अधिकारी हुमकला पाण्डेलाई गृहमन्त्रालय सरुवा गरिएको छ। प्रेम भट्टराई धनुषामा कार्यरत थिए।
