काठमाडौं । नेपाली बजारमा आज (शुक्रबार) सुनचाँदीको भाउ घटेको छ । बिहीबारको तुलनामा शुक्रबार तोलामा २०० रुपैयाँले घटेको छ ।
आज छापावाल सुन प्रति तोला ९३ हजार ३०० रुपैयाँमा कारोबार भैरहेको नेपाल सुनचाँदी व्यवसायी महासंघले जनाएको छ । तर बिहीबार सुन प्रति तोला ९३ हजार ५०० रुपैयाँमा कारोबार भएको थियो ।
महासंघकाअनुसार आज तेजाबी सुनको मूल्य प्रतितोला ९० हजार ८०० रुपैयाँ कायम गरिएको छ ।
त्यस्तै, आज चाँदीको भाउ पनि घटेको छ । बिहीबारको तुलनमा आज प्रति तोलामा १० रुपैयाँले घटेर प्रतितोला ११ सय ६५ रुपैयाँमा कारोबार भएको महासंघले जनाएको छ ।
