काठमाडौं । नेपाल स्टक एक्सचेञ्ज (नेप्से) साताको पहिलो पहिलो दिन आज (आइतबार) राताम्मे भएको छ । आज नेप्से ९६ दशमलव ८८ अंकले घटेर १ हजार ९३५ दशमलब ६३ विन्दुमा थामिएको छ । आज ८ अर्ब ८५ करोड ७२ लाख ७४ हजार ९४२ रुपैयाँ बराबरको कारोबार भएको छ ।
नेप्सेका अनुसार आज कारोबार भएका कूल १२ उपसमूहमध्ये सबै समूह राताम्मे भएको छन् ।
आज कारोबारमा आएका समुहगत सूचक घटेका छन्। आज युनाईटेड इदी मर्दीको शेयरमूल्य सबैभन्दा धेरै ९.८० प्रतिशतले बढेको छ। त्यस्तै आज दर्जन बढी कम्पनीको शेयर मूल्य ९ प्रतिशत भन्दा बढीले घटेको छ।
संसद विघटनको सिफारिससँगै देशमा राजनीतिक अस्थिरता हाबी हुने त्रासले लगानीकर्ताको मनोबल कमजोर बनेको छ ।
