काठमाडौं । नेपाल बैंक लिमिटेडले वार्षिक साधारण सभा पुस २९ गते आव्हान गरेको छ । कम्पनीले सभा प्रधान कार्यालय धर्मपथ, काठमाडौंमा बिहान ११ बजे गर्ने जानकारी गराएको हो ।
सभाले १२ प्रतिशत बोनस शेयर र ४ प्रतिशत नगद लाभांश वितरण गर्ने प्रस्ताव पारित गर्नेछ । साथै सभाले आव २०७६–०७७ को वार्षिक प्रतिवेदन पारित गर्ने र सर्वसाधारण शेयरधनीको तर्फबाट ३ जना सञ्चालकहरुको निर्वाचन गर्ने प्रस्ताव पनि पारित गर्नेछ ।
साधारण सभा प्रयोजनको लागि कम्पनीको शेयरधनीदर्ता पुस्तिका पुस १६ गते (एक दिन) बन्द रहनेछ । बुक क्लोजको आधारमा पुस १५ गतेसम्म कायम शेयरधनीले लाभांश पाउनेछन् ।
