काठमाडौं । बुद्धभुमि नेपाल हाइड्रोपावर कम्पनीको आईपीओ शुक्रवार बाँडफाँट भएको छ । विक्री प्रबन्धक सिभिल क्यापिटलका अनुसार ७४ हजार ४०० जनाले १० कित्ताका दरले कम्पनीको आईपीओ पाएका छन् ।
कम्पनीको आईपीओमा २० लाख ३० हजार ९५५ जना आवेदकले २ करोड ४४ लाख ३७० कित्ता शेयरका लागि आवेदन दिएका थिए । जसमध्ये १६ हजार ३३ जनाको आवेदन अस्वीकृत भएकोे छ ।
बाँकी योग्य २० लाख १४ हजार ९२२ जना आवेदकमध्ये गोलाप्रथाद्वारा ७४ हजार ४०० जनाले १० कित्ताका दरले शेयर पाएका हुन् । कम्पनीले असोज ११ गतेदेखि १४ गतेसम्म ८ लाख कित्ता आईपीओ निष्कासन गरेको हो ।
