जाजरकोट । जाजरकोटको नलगाडमा गए राति ट्याक्टर दुर्घटना हुँदा तीन जनाको घटना स्थलमै मत्यु भएको छ । नलगाड नगरपालिका ५ कालीमाटी बजारबाट सामान लिएर बारेकोट गाउँपालिका तर्फ गइरहेको ट्याक्टर नलगाड – ५ पोखरागाउँ नजिकैको राती १ः ०० वजे झुल्के डाँडामा दुर्घटना भएको हो ।

दुर्घटनामा मृत्यु हुनेमा नलगाड नगरपालिका – ५ पारीगाउँका ६० वर्षीय दल वहादुर खत्री, उहाँका छोरा ३२ वर्षीय सुरेस खत्री र गाडिचालक नलगाड –७ दल्लीका २५ वर्षिय चंखलाल वि।क। रहनु भएको छ । सडक वाट करीव ५ सय मिटरको दुरीमा तीन जनाको लास फेला परेको छ भने ट्याक्टर अझै फेला पार्न सकेको छैन स्थानीय प्रशान्त शर्माले घटना स्थलवाट जानकारी दिनु भएको छ ।

जाजरकोटका प्रहरी प्रमुख डिएसपी मधुकुमार थापाले मृतक दलवहादुर र सुरेस एकै घरका वावुछोरा रहेकोे जानकारी दिनु भएको छ । दर्घटनामा ट्याक्टरका सह चालक नलगाड– ७ वगाराका १७ विनोद परियार गम्भीर घाइते भएको र निजलाई हाल प्राथमिक स्वास्थ्य केन्द्र दल्लीमा ल्याएर उपचार थालिएको डिएसपी थापाले बताउनु भयो । अहिले घटना स्थलमा प्रहरी र स्थानियले ट्याक्टरको खोजी गरिरहेको र अँधेरो भएका ले फेला पार्न नसकिएको जनाइएको छ । दुर्घटना कसरी भएको भन्ने वारे अनुसन्धान भइरहेको प्रहरी ले जानएको छ । रासस