काठमाडौं । नेकपा (माओवादी केन्द्र) वागमती प्रदेश कमिटीको अध्यक्षमा सरल सहयात्री पौडेल निर्वाचित भएका छन् । १६२ मत ल्याएर पौडेल अध्यक्ष पदमा निर्वाचित भएका हुन् । उनका निकटम प्रतिस्पर्धी दिनानाथ गौतमले ८६ मत ल्याएका थिए।
त्यसैगरी उपाध्यक्षमा रुपा महर्जन, रामप्रसाद ढुंगाना र प्रेमबहादुर पुलामी निर्वाचित भएका छन् ।
सचिवमा इन्द्रबहादुर थिङ (छिन्ताङ) विजयी भएका छन । उनले १४९ मत प्राप्त गरेका थिए । सहसचिवमा दलबहादुर बुर्लाकोटी, माधवप्रसाद लामिछाने र प्रकाश श्रेष्ठ विजयी भएका छन् ।
कोषाध्यक्ष पदमा संगीता भट्टराई निर्वाचित भएकी छिन् ।
