ललितपुर । ललितपुरको कोन्ज्योसोम गाउँपालिका वडा नं. ४ नल्लुमा एकै घरका ५ जना मृत फेला परेका छन्। प्रहरीका अनुसार ४ जनाको घटनास्थल र थप एक जनाको उपचारको क्रममा मृत्यु भएको हो । एक जना घाइते छन्।
नल्लु निवासी काइली स्याङतानको घरमा उक्त घटना भएको हो।
महानगरीय प्रहरी वृत्त चापागाउँका डीएसपी द्वारिका घिमिरेको नेतृत्वमा प्रहरी घटनास्थल पुगिसकेको छ । घाइतेको उपचार पाटन हस्पिटलमा भैरहेको छ ।
मृत्यु हुनेमा ५५ वर्षीया काइली स्याङ्तान, २२ वर्षीया सुष्मा स्याङतान, ९ वर्षीय आशिष स्याङतान, ५ वर्षीय आष्मा स्याङतान र २ दिनको शिशु सुभाष स्याङतान छन् । सुभाषको उपचारका क्रममा पाटन अस्पतालमा निधन भएको हो ।
आशिष, आश्मा र सुभास मृतक सुष्माका छोराछोरी हुन् । उनका श्रीमान् २३ वर्षीय सुयास स्याङतान घाइते छन् । काइली, सुयासकी आमा हुन् । उनीहरुको मृत्युको कारण खुलेको छैन। प्रहरीले शवलाई पोस्टमार्टम तयारी गरिएको छ।
घटना अनुसन्धानका लागि महानगरीय प्रहरी परिसर ललितपुर, महानगरीय प्रहरी वृत्त चापागाउँ, इलाका प्रहरी कार्यालय कोन्ज्योसोमबाट टोली खटिएको छ।
