काठमाडौं । पछिल्लो २४ घण्टामा देशभर १३ जनालाई कोरोना भाइरस (कोभिड–१९) संक्रमण पुष्टि भएको छ ।
स्वास्थ्य तथा जनसंख्या मन्त्रालयको नियमित कोरोना अपडेट कार्यक्रममा मन्त्रालयकी प्रवक्ता डा. संगिता कौशल मिश्रले ३ हजार ८७७ जनाको कोरोना परीक्षण भएको छ ।
उनका अनुसार सोही अवधिमा २५ जना संक्रमणमुक्त भएका छन् भने संक्रमणका कारण कसैको पनि मृत्यु भएको छैन । अहिले सक्रिय संक्रमित ३१८ जना रहेका छन् ।
