ललितपुर । नेकपा (माओवादी केन्द्र) ले ललितपुर महानगरको उपमेयरमा नाम सिफारिस भएको छ । माओवादी केन्द्र ललितपुर महानगर कमिटीको शुक्रबार बसेको बैठकले सर्वसम्मत रुपमा उपमेयरमा बाबुराज बज्राचार्यको नाम सिफारिस गरेको हो । आजको बैठकमा माओवादी केन्द्र ललितपुर जिल्लाका इन्चार्ज हरि दाहालले बज्राचार्यलाई महानगरपालिकाको उपमेयरमा प्रस्ताव गरेका हुन् ।
सत्ता गठबन्धनबाट ललितपुर मेयर काँग्रेसको भागबण्डामा परेपछि उपमेयरमा माओवादीका बज्राचार्यको नाम सिफारिस भएको छ । बज्राचार्य माओवादी ललितपुर महानगर कमिटीका अध्यक्ष समेत हुन् ।
यसअघि काँग्रेसबाट मेयरमा चिरिबाबु महर्जन र उप मेयरमा गीता सत्याल निर्वाचित भएकी थिइन् ।
