ललितपुर । ललितपुरको गोदावरी नगरपालिकाले आर्थिक वर्ष २०८०–०८१ का लागि दुई अर्व ३३ करोडको बार्षिक बजेट ल्याएको छ । उपप्रमुख मुना अधिकारीले आइतबारको नगरसभामा दुई अर्व ३३ करोड चार लाख ७५ हजार रुपैयाँको बार्षिक बजेट प्रस्तुत गरिन ।
गोदावरीले पूर्वाधार विकासमा ३५ करोड, शिक्षा क्षेत्रमा ५ करोड, स्वास्थ्यमा ३ करोड रुपैयाँ बजेट विनियोजन गरेको छ ।
त्यस्तै, विपद व्यवस्थापन, खानेपानी, सम्पदा संरक्षण, दमकल खरिद, नगर वस सञ्चालन, खेलकुद तथा खेल पूर्वाधार निर्माण र वडा कार्यालय भवन निर्माणका लागि २र२ करोड बजेट छुट्याइएको छ ।
नगरपालिकाले कृषितर्फ १ करोड ५० लाख रुपैयाँ विनियोजन गरेको उपप्रमुख अधिकारीद्वारा प्रस्तुत वजेट तथा कार्यक्रममा उल्लेख छ । नगरका वडाहरुका लागि प्रति वडा १ करोड ५० लाख बजेट विनियोजन गरिएको उल्लेख छ ।
प्रस्तुत वार्षिक बजेट तथा कार्यक्रममा सडक बत्तीका लागि ३ करोड, फोहोर मैला व्यवस्थापन , तरकारी बजार सञ्चालन, स्वरोजगार कार्यक्रम, सिंचाइ, पर्यटकीय पदमार्ग निर्माण र सूचना प्रविधिका लागि १/१ करोड रुपैयाँ विनियोजन गरेको जनाइएको छ ।
नगरसभाका अध्यक्ष तथा गोदावरी नगरपालिकाका प्रमुख गजेन्द्र महर्जनले बज्रवाराही अस्पतालको भवन निर्माणसंगै अस्पताललाई सुविधा सम्पन्न बनाउने वताए ।
प्रमुख महर्जनले वडाहरुमा स्वास्थ शिविर र निशुल्क ओैषधि वितरण गर्ने कार्यक्रमहरु राख्ने, नगरवासीहरुलाई दीर्घरोग लाग्नबाट बचाउन विभिन्न कार्यहरु गर्ने, तरकारीको पकेट क्षेत्रका लागि बीउ वितरण गर्ने, महिला उद्यमी र किसानहरुलाई अनुदान तथा व्याज सहुलियत सहित ऋण कार्यक्रमहरु लागू गर्ने, धार्मिक पर्यटनलाई जोड दिने लगायतका कार्यहरुलाई प्राथमिकता दिने योजना रहेको वताए ।
