काठमाडौं । २० हजार निक्षेपकर्तालाई ठगी गरेको मुद्दामा हिरासतमा रहेका देउराली सहकारीका अध्यक्ष रवीन्द्र चौलागाईंको टोयोटा फर्चुनर गाडी पनि प्रहरीले बरामद गरेको छ । निक्षेपकर्ताबाट ठगी गरेकै पैसाबाट उनले साढे दुई करोडको उक्त गाडी खरिद गरेर चढ्ने गरेका थिए ।
उनले प्रयोग गर्दै आएको गाडी विगतमा मिटरब्याजको आरोपमा पक्राउ परेका गणेश उप्रेतीसँग साढे दुई करोड रुपैयाँमा खरिद गरेको अनुसन्धानमा खुलेको छ । केन्द्रीय अनुसन्धान ब्युरो ९सिआइबी०को थुनामा रहेका चौलागाईंले सहकारीको पैसा हिनामिना गरी जोडेको व्यक्तिगत सम्पत्तिमाथि पनि प्रहरीले रोक्का राखी अनुसन्धान गरिरहेको छ । उनले विभिन्न कम्पनीको नाममा करिब सय रोपनी जग्गा खरिद गरेका थिए । त्यो सम्पत्ति रोक्का गरिएको सिआइबीले जनाएको छ ।
काभ्रेको चौरी–देउराली स्थायी घर भएका चौलागाईंलाई सिआइबीले गत १६ असोजमा पक्राउ गरेको थियो । उनीमाथि सहकारी ठगीका साथै संगठित अपराधको कसुरमा पनि अनुसन्धान अघि बढाइएको सिआइबीका प्रवक्ता एसपी नवराज अधिकारीले बताए । सिआइबीले आइतबार संस्थाका थप दुईजनालाई पनि पक्राउ गरेको छ ।
व्यवस्थापक दीपक केसी तथा कर्जा समिति संयोजक राजेन्द्र खत्रीलाई पक्राउ गरेको हो । खत्री चौलागाईंकै आफन्त हुन् । सञ्चालक समिति र कर्मचारीलाई प्रभावमा पारेर चौलागाईंले सहकारीमा संगठित रूपमा ठगी गरेको आधारमा सिआइबीले संगठित अपराधको कसुरमा अनुसन्धान थालेको छ । संगठित अपराधमा अभियुक्तलाई प्रहरीले ६० दिनसम्म थुनामा राखेर अनुसन्धान गर्न पाउँछ । सो ठगीमा धेरैजनाको मिलेमतो रहेको प्रहरी अधिकारी बताउँछन् ।
ललितपुरको सातदोबाटोमा केन्द्रीय कार्यालय रहेको देउरालीको काठमाडौं न्युरोड र भक्तपुर सूर्यविनायकमा शाखा कार्यालय छन् । जहाँ कम्तीमा २० हजार सर्वसाधारणको करिब दुई अर्ब फसेको र पीडितहरूबाट जाहेरी आउने क्रम जारी रहेको सिआइबीले जनाएको छ ।
देउराली सहकारीमा समस्या सुरु भएको दुई वर्ष भइसकेको छ । सहकारीका अध्यक्ष चौलागाईंविरुद्ध गत वर्षदेखि नै ललितपुर प्रहरीमा उजुरी परे पनि प्रहरीले सकेसम्म मिलाउने प्रयास गरेको थियो । चौलागाईंले ठूला निक्षेपकर्तालाई आफ्नो कम्पनीमा रहेको जग्गा दिने आश्वासनमा फकाउँदै आएका थिए । तर, लामो समयसम्म पनि समस्या समाधान नभएपछि बागमती प्रदेशको उद्योग, पर्यटन तथा सहकारी मन्त्रालयले कारबाहीका लागि सिआइबीलाई पत्राचार गरेको थियो । फरार रहँदै आएका चौलागाईंलाई प्रहरीले लाजिम्पाटबाट पक्राउ गरेको हो ।
चौलागाईंमाथि संगठित अपराध कसुरमा अनुसन्धान
सञ्चालक समिति र कर्मचारीलाई प्रभावमा पारेर अध्यक्ष रवीन्द्र चौलागाईंले देउराली सहकारीमा संगठित रूपमा ठगी गरेको निष्कर्षसहित सिआइबीले संगठित अपराधको कसुरमा अनुसन्धान थालेको छ । संगठित अपराधमा अभियुक्तलाई प्रहरीले ६० दिनसम्म थुनामा राखेर अनुसन्धान गर्न पाउँछ । सो ठगीमा धेरैजनाको मिलेमतो रहेको प्रहरी अधिकारी बताउँछन् । सिआइबीले आइतबार संस्थाका थप दुईजनालाई पनि पक्राउ गरेको छ ।
व्यवस्थापक दीपक केसी तथा कर्जा समिति संयोजक राजेन्द्र खत्रीलाई पक्राउ गरेको हो । खत्री चौलागाईंकै आफन्त हुन् । काभ्रेको चौरी–देउराली स्थायी घर भएका चौलागाईंलाई सिआइबीले गत १६ असोजमा पक्राउ गरेको थियो । उनीमाथि सहकारी ठगीका साथै संगठित अपराधको कसुरमा पनि अनुसन्धान अघि बढाइएको सिआइबीका प्रवक्ता एसपी नवराज अधिकारीले बताए । नयाँ पत्रिका दैनिकबाट
