काठमाडौं । काठमाडौं जिल्लाको काठमाडौं महानगरपालिका वडा नं. ९ तिलगङ्गास्थित सडकमा बा ९ च २११५ नम्बरको डिआई गाडीको ठक्करबाट पैदलयात्री सोही महानगरपालिका वडा नं. ९ गौरिघाट बस्ने झापा घर भएकी ५० वर्षीया रमिला बजगाइको बिहीबार साँझ मृत्यु भएको छ ।
ठक्करबाट गम्भीर घाइते भएकी उनको केएमसी अस्पताल सिनामंगलमा उपचारको क्रममा मृत्यु भएको हो । गाडी चालकलाई प्रहरीले नियन्त्रणमा लिएको छ ।
दुर्घटनाका सम्बन्धमा प्रहरीले आवश्यक अनुसन्धान गरिरहेको छ ।
