ललितपुर । ललितपुर जिल्ला, ललितपुर महानगरपालिका वडा नं. २२ फर्सिडोलस्थित हिरा इटा भट्टामा बा २ क ६२४ नम्बरको मिनि ट्रक पल्टिएर मंगलबार साँझ दुर्घटना हुँदा चालक सोही महानगरपालिका-२२ फर्सिडोल बस्ने दाङ लमही घर भएका २८ वर्षीय निम बहादुर कुमालको मृत्यु भएको छ ।
दुर्घटनामा गम्भीर घाइते भएका उनको स्टार अस्पताल सानेपामा उपचारको क्रममा मृत्यु भएको जिल्ला प्रहरी परिसर ललितपुरका प्रवक्ता, एसपी नरेशराज सुवेदीले जानकारी दिए ।
यसबारे थप अनुसन्धान गरिरहेको प्रहरीको भनाई छ ।
