ललितपुर । ललितपुर महानगरपालिका वडा नं. १० हनुमानस्थानस्थित सडकमा बा ८७ प ९१७० नम्बरको मोटरसाइकल अनियन्त्रित भई बिहीबार बिहान दुर्घटना हुँदा मोटरसाइकलमा सवार ललितपुर महानगरपालिका वडा नं. १५ सातदोबाटो बस्ने ३१ वर्षीय ऋषी कुमार पाठकको मृत्यु भएको छ ।
दुर्घटनामा गम्भीर घाइते भएका उनको सुमेरूसिटी अस्पतालमा उपचारको क्रममा मृत्यु भएको हो । साथै दुर्घटनामा घाइते भएका मोटरसाइकल चालकलाई थप उपचारको लागि बि एण्ड बी अस्पताल पठाइएको छ ।
यसबारे थप अनुसन्धान गरिरहेको प्रहरीले जनाएको छ ।
