काठमाडौं, जेठ १६ । कोरोना भाइरस (कोभिड–१९) संक्रमितलाई अस्पताल लैजान स्थानीयले अवरोध गरेपछि प्रहरीले हवाई फायर गरेको छ।
रौतहटको इशनाथ नगरपालिका वडा नं. ७ स्थित क्वारेन्टिनमा १६ जना संक्रमितमध्ये २ जनालाई लिन पुगेको टोलीलाई स्थानीयले अवरोध गरेका थिए। स्थानीयले अवरोध गरेपछि प्रहरीले हवाई फायर गरेको हो। आक्रोसित स्थानीयले प्रहरीको गाडीमा तोडफोड समेत गरेका छन् ।
यसअघि १४ जनालाई बिहीबार साँझ लगिएको थियो। यसअघि बाँकेको नरैनापुरमा पनि स्थानीयले संक्रमितलाई आइसोलेसनमा लैजान अवरोध गरेपछि सेना परिचालन गरिएको थियो। त्यहाँ निषेधाज्ञा जारी गरिएको छ।
