बाँके । पूर्वपश्चिम राजमार्गअन्तर्गत बाँकेको ठुरिया जंगलमा हाइस गाडी दुर्घटना हुँदा १२ जनाको मृत्यु भएको छ ।
नेपालगञ्जदेखि सल्यान जादै गरेको ना ५ ख ५९९५ नम्बरको हाइस गाडी रोकि राखेको बा ४ ख ९०६४ नम्बरको ट्रकमा ठोक्किदा १२ जनाको घटनास्थलमै मृत्यु भएको ५ नं. प्रदेशका डिआईजी रविन्द्र बहादुर धानुकले जानकारी दिए । राती सवा १२ बजे दुर्घटना भएको थियो । भारतबाट मजदुरी गरेर नेपालगञ्ज हुँदै सल्यान जान लागेकाहरु दुर्घटनामा परेका हुन् ।
दुर्घटनामा २१ जना घाइते भएका छन् । घाइतेहरुको भेरी अस्पताल, नेपालगञ्जमा उपचार भइरहेको छ । मृतक १२ जनाको शव भेरीमा ल्याइएको छ ।
आइतबार राती करीब ११ वजे बाँकेको शमशेरगंज र अगैयाको बिच जंगलमा सडक किनारामा रोकी राखेको ट्रकमा ठक्कर दिएको थियो ।
