रौतहट । रौतहटको राजपुर नगरपालिकामा स्वास्थ्यकर्मी कुटिएका छन् । राजपुर नगरपालिका वाड नंं ९ बैरियास्थित मदरसाकोे क्वारेन्टिनमा बसेकाहरुले २ जना स्वास्थ्यकर्मी कुटपिट गरेका हुन् ।
कुटपिटबाट राजपुर नगरपालिकाका स्वास्थ्य शाखाका सहसंयोजक तथा सिनियर अहेव शेख खुसैद र स्वास्थ्यकर्मी र राम नरेश साह घाइते भएका छन् ।
उनीहरुको टाउकोमा चोट लागेको छ । कोरोना भाइरसको पिसिआर रिपोर्ट निगेटिभ आउँदा पनि घर नपठाएको भन्दै क्वारेन्टिनमा बसेकाहरुले स्वास्थ्यकर्मीलाई कुटेको हुन् ।
उक्त क्वारेन्टीनमा रहेका मध्ये १ सय ८४ जनाको पिसिआर रिर्पोट निगेटिभ आएपछि उनीहरुलाई क्वारेन्टिनबाट निकाल्नको लागि आरडिटी टेष्ट गरिएको थियो ।
आरडिटी टेष्ट गर्दा निगेटिभ आएकाहरुलाई मात्रै घर पठाउने निर्णय भए अनुसार परिक्षण शुरु गरेको र केही ब्यक्तिको रिपोर्ट पोजेटिभ आएपछि स्वास्थ्यकर्मीमाथि एक्कासी आक्रमण गरेको हो ।
