काठमाडौं । लकडाउनका कारण दिनानु दिन धरासायी बन्दै गएका अर्थतन्त्र र जनजीवन सहज बनाउन लकडाउनको मोडालिटीबारे चर्चा चलिरहँदा बिहीबार लकडाउन मोडालिटी परिवर्तन गर्न मन्त्रीपरिषद बैठक बस्ने भएको छ ।
सरकारले कोरोनाभइरस रोकथाम र नियन्त्रणका लागि अपनाएको लकडाउनको मोडालिटी परिवर्तन गर्ने र त्यसबारे निर्णय गर्न बिहीबार अपरान्ह ४ बजेका लागि मन्त्रिपरिषद बैठक बोलाइएको छ ।
सरकारले कोरोना रोकथाम तथा नियन्त्रणका लागि गत ११ चैतदेखि लगातार लकडाउन गर्दै सवारीसाधन चलाउन तथा अत्यावश्यक कामबाहेक घर बाहिर निस्कनसमेत प्रतिबन्ध गर्दै आएपछि पछिल्लो दिनमा सर्वसाधारण समस्यामा पर्न थालेका छन् ।
बुधबारमात्रै प्रधानमन्त्रीले बिभिन्न बिज्ञहरूसँग लकडाउन र देशको अहिलेको परिश्थितीबारे परामर्श गरेका थिए । बुधबार गरेकै परामर्श अनुरूप आन्तरीक राजस्व विभागले कर विवरण र कर तिर्न गरेको जठ २५ गतेसम्मको ताकेतासमेत समय लम्ब्याइसकेको छ ।
सरकारले पछिल्लो पटक आगामी जेठ ३२ गतेसम्म लकडाउन घोषणा गरेको छ । चैत ११ यता लगातारको लकडाउनले मानिसहरुको जनजीवन प्रभावित हुनुका साथै आर्थिक गतिविधिमा समेत असर गरेकाले यसको मोडालिटी परिवर्तन गर्न सर्वसाधारणको माग र विज्ञहरुको सुझाव रहँदै आएको छ ।
