बारा । लक्ष्मी लघुवित्त वित्तीय संस्थाले परवानीपुर गाउँपालिकाले स्थापना गरेको कोरोना प्रकोप व्यवस्थापन कोषमा आर्थिक सहयोग गरेको छ ।
आज एक कार्यक्रमकाबीच लक्ष्मी लघुवित्त नौतन बारा शाखाका प्रमुख सुदर्शन भण्डारीले गाउँपालिकाका अध्यक्ष हरि नारायण साह कानूलाई १५ हजार रुपैयाको चेक हस्तान्तरण गरेका हुन् । लघुवित्तले संस्थागत सामाजिक उत्तरदायित्वअन्तर्गत १५ हजार रुपैयाँ हस्तान्तरण गरेको जनाएको छ ।
विश्वका विभिन्न देशमा कोरोना भाइरसको संक्रमण बढ्दै गएको अवस्थामा नेपालमा पनि यसको जोखिम बढेकोले गाउँपालिकाद्वारा स्थापित उक्त कोषमा जम्मा भएको रकम कोरोना भाइरस संक्रमण नियन्त्रण र प्रभावितहरुको उपचारका लागि उपयोग गर्ने समेत लक्ष्मी लघुवित्तले विश्वाव लिएको छ ।
